5 Deasú Yoga Le Déanamh Sa Leaba Ar Maidin

Go minic is ag éirí ón leaba an chuid is deacra don lá. Ach le yoga is féidir leis a bheith éasca! Fan sa leaba ar feadh písín beag eile agus bain úsaid as an na deasuithe yoga seo chun cabhrú leat sa tréimhse dúshlánach sin idir a bheith i do chodladh agus i do dhúiseacht. Tús breá don lá a bheidh ann agus cabhróidh sé leat an leas is mó a bhaint as!

Bain trial as an gcúig deasú yoga seo sula n-éiríonn tú ón leaba amárach.

  1. An Scaoilteoir Broime 1 (Pawan Muktasana 1)

    Pawan Muktasana 1

    Moltar an deasú yoga seo do dhaoine le fadhbanna in íochtar an droma nó go deimhin féin do dhaoine le fadhbanna leis an gcóras díleá i.e Calcadh Goile (Constipation) nó Gaofaireacht (Flatulence). Fiú má tá tú saor óna leithéid tá buntáistí don té a chuireanns a inneall ag obair go moch ar maidin.

Treoir:

  • Tosaigh ar do dhroim i Savasana.
  • Lúb an ghlúin dheas agus rug barróg uirthi dhá orlach faoin nglúin féin.
  • Coinnigh an cos eile sínte amach le do bhaircíní tarraingthe chughat.
  • Coinnigh na huillinneacha taobh le do chorp
  • Tarraingt do ghlúin dheas i dtreo do ghualainn. Seachain na heasnacha.
  • Tarraingt do smig síos beagáinín ionas go bhfuil radharc do shiúl i dtreo do bholg.
  • Lig don ghlúin dheas teacht níos giorra i dtreo do ghualainn de réir a chéile.
  • Tar éis cúig nó deich n-anáil scaoil le do ghúin dheas
  • Déan an méid ceanann céanna le do ghlúin chlé.

Buntáistí:

  • Searraítear an muinéal agus an droim
  • Cruthaítear teannas i matáin an bhoilg agus cuirtear brú ar na horgáin inmhéanach. Cuireann sé seo leis an imshruthú fola. Spreagtar na néaróga freisin rud a chuireannr le héifeachtiúlacht na horgáin inmhéanach.
  • Tugtar faoiseamh ó phian sa droim, ó ghás sáinithe sa stéig mhór, ó Chalcadh Goile (Constipation)agus ó ghaofaireacht. (Flatulence)
  • Cuireann an síneadh deas ar réigiún an bhoilg rud a chuireann feabhas leis an bpróiseas díleá.
  • Ládraítear na matáin in íochtar do dhroma agus scaoiltear amach veirteabra an chnámh droma.
  • Feabhsaítear an córas díleá.
  • Méadaítear an t-imshruthú fola chuig na horgáin inmheánach ar fad.
  • Laghdaítear ramhar thart ar an mbolg, na láirigeacha, na ceathairíní agus an tóin.

Buntáistí Breise do mhná:

  • Bíonn suathaireacht ann ar matáin an pheilbhís, na horgáin atáirgthe agus tá sétairbheach do neamhoird míosta.

Réamh-Aire:

  • Seachain má tá pian trom i do dhroim, má tá tú torrach, más rud é go raibh máinliacht boilg agat le déanaí nó má tá fíocas, haemaróidí nó heirne ort.

 

2. An Scaoilteoir Broime 2 (Pawan Muktasana 2)

Pawan Muktasana

Baineann na buntáistí céanna agus níos mó leis an scoiltear broime 2. Cruthaítear níos mó teannais i matáin an bhoilg agus cuirtear níos mó brú ar na horgáin inmhéanach. Cuireann sé seo leis an imshruthú fola rud a chuireann le héifeachtiúlacht na horgáin inmhéanach.

Treoir:

  • Tosaigh ar do dhroim i Savasana.
  • Rug barróg ar an dá ghlúin agus tarraingt iad i dtreo do chliabhrach
  • Lúb an ghlúin dheas agus rug barróg uirthi dhá orlach faoin nglúin féin.
  • Coinnigh na huillinneacha taobh le do chorp
  • Ardaigh do cheann i dtreo na glúine
  • Lig do na glúine teacht níos giorra i dtreo do chliabhrach de réir a chéile.
  • Tar éis cúig nó deich n-anáil scaoil le do glúine.
  • Is féidir do cheann a choinneáil ar an talamh agus fanacht ann ar feadh nóméad.

Buntáistí:

  • Searraítear an muinéal agus an droim
  • Cruthaítear teannas i matáin an bhoilg agus cuirtear brú ar na horgáin inmhéanach. Cuireann sé seo leis an imshruthú fola. Spreagtar na néaróga freisin rud a chuireannr le héifeachtiúlacht na horgáin inmhéanach.
  • Tugtar faoiseamh ó phian sa droim, ó ghás sáinithe sa stéig mhór, ó Chalcadh Goile (Constipation)agus ó ghaofaireacht. (Flatulence)
  • Cuireann an síneadh deas ar réigiún an bhoilg rud a chuireann feabhas leis an bpróiseas díleá.
  • Ládraítear na matáin in íochtar do dhroma agus scaoiltear amach veirteabra an chnámh droma.
  • Feabhsaítear an córas díleá.
  • Méadaítear an t-imshruthú fola chuig na horgáin inmheánach ar fad.
  • Laghdaítear ramhar thart ar an mbolg, na láirigeacha, na ceathairíní agus an tóin.

Buntáistí Breise do mhná:

  • Bíonn suathaireacht ann ar matáin an pheilbhís, na horgáin atáirgthe agus tá sétairbheach do neamhoird míosta.

Réamh-Aire:

  • Seachain má tá pian trom i do dhroim, má tá tú torrach, más rud é go raibh máinliacht boilg agat le déanaí nó má tá fíocas, haemaróidí nó heirne ort.
  • Má tá do mhuinéal teann nó gortaithe coinnigh do cheann ar an talamh.

 

3. An Droimluí Ceangailte (Supta Baddha konasana)

                               Supta Badha Konasana

 

Is féidir é seo a dhéanamh istoíche sula dtéann tú i do chodladh freisin toisc gur deasú yoga athnuachana. Osclaíonn sé na cromáin, suamhnaíonn sé an intinn agus ligtear do chúramaí an tsaoil imeacht le sruth. Ach bí cinnte nach dtiteann i do chodladh sa deasú seo nó dúiseoidh tú le cromáin thinn!

Treoir:

 

  • Ag tosú i Shavasana
  • Lúb na glúine, tóg na sáile agus na bairricíní le le chéil.
  • Llig do glúine titim síos ar ceachtar thaobh.
  • Úsáid d’anáil chun scaoileadh le haon teannas atá sna cromáin.
  • Is féidir blaincéid nó bloc a chur faoi na glúine le faoiseamh a thabhairt do na cromáin.
  • Cas bosa na lámh i dtreo na spéire le do dhroim compordach ar an mata.
  • Lig do na láimhe agus do na cosa a bheith trom.
  • Tarraingt do smig isteach beagáinín ionas go mbeidh muinéal fada agat.
  • Fan ann ar feadh nóiméad nó dhó gan tacaíocht nó suas go cúige nóiméad le tacaíocht.
  • Más mian leat is féidir do láimhe a thógáil taobh thiar de do cheann. Osclóidh sé seo do chliabhrach.
  • Nuair atá tú réidh le teacht amach as brú bun do dhroma síos ar an talamh agus brú na glúine ar ais le chéile go mall agus go cúramach.

Buntáistí:

  • Is deasú athnuachana é seo.
  • Méadaítear raon rothlaithe seachtrach na gcromáin
  • Suamhnaítear an córas nearó lárnach agus an intinn.
  • Méadaítear an t-imshruthú fola in íochtar an bhoilg.
  • Feabhsaítear an córas díleá.
  • Searraítear an taobh istigh de na láirigeacha.

Réamh Aire:

  • Bí cinnte nach dtiteann tú i do chodladh sa deasú seo nó dúiseoidh tú le cromáin thin.
  • Má tá bléin nó glúin gortaithe agat bain úsáid as bloc nó blaincéid mar thacaíocht.

 

4. An Casadh Boilg (Supta Matsyendrasana)

Supta Matsyendrasana

Cabhraíonn casadh maith mar seo ar maidin le d’orgáin agus do bhaill choirp a dhúisiú agus ullmhaíonn sé do dhroim sula n-éiríonn tú ón leaba.

Treoir:

  • I do luí ar an talamh ardaigh do ghlúine os cionn do chliabhrach.
  • Sín do chuid lámha amach ar an taobh i líne le do chuid guaillí.
  • Anois tóg do chuid glúine síos ar thaobh na lámha chlé agus breathnaigh amach i dtreo do lámh dheas.
  • Éist le do chorp is bí cinnte go bhfuil tú compordach.
  • Coinnigh d’fhócas ar d’anáil agus dean iarracht do scíth a ligean le gach anáil amach.
  • Is féidir leat fanacht anseo ar feadh cúpla nóiméad.
  • Nuair atá tú réidh tóg na glúine ar ais chuig an lár agus tóg síos ar an taobh eile iad.

Buntáistí:

  • Tonaítear néaróga an chnámh droma.
  • Tugtar faoiseamh ó phian sa droim.
  • Cuireann an síneadh deas ar réigiún an bhoilg rud feabhas leis an bpróiseas díleá.
  • Scaoiltear le gás.
  • Tonaítear na baill ghiniúna.

Réamh-Aire:

  • Seachain má tá pian trom i do dhroim, má tá tú torrach nó más rud é go raibh máinliacht boilg agat le déanaí.

 

5. An Corpán        (Shavasana)

                              Shavasana

Tá an baol ann anseo go dtitfidh tú ar ais i do chodladh mar sin is b’fhiú go mór don Shavasana seo a bheith níos gníomhaí ná mar a bhíonn ag deireadh gnáth rang yoga. Le fanacht airdeallach coinnigh do sháile le chéile leis na bairicíní tite amach ar an taobh. Coinnigh na láimhe níos cóngaraí den chorp agus radharc na súil ar an síleáil thart ar cheithre troigh chun tosaigh ó do cheann.

Fan ann ar feadh deich n-anáil nó mar sin agus glac an seans seo chun a bheith ceangailte le d’anáil, do chorp agus d’aire a réitiú don lá amach romhat. Beir leat d’anáil agus beir leat an bua!

Treoir:

 

 

  • Is é an Corpán an bealach is fearr chun críoch a chur le do chleachtadh yoga. Tugann sé deis duit do scíth a ligean i gceart.
  • Luí síos le do dhroim ar an mata agus le do chuid súile dúnta.
  • Lig do do chuid barricíní titim amach i dtreo na cliatháin.
  • Iompaigh bosa na lámha i dtreo na spéire.
  • Ceangail le d’anáil isteach is amach.
  • Bíodh chuile anáil mall agus compordach.
  • Déan iarracht gan rud ar bith a bhogadh is gan ligean de do chuid smaointí imeacht le sruth.
  • Anois tóg d’aird isteach sna barricíní, sna sáile is sna rúitíní.
  • Déan iarracht scaoileadh le haon teannas atá ann.
  • Tóg d’aire chuig na glúine, na cromáin agus na matáin ar fad i do chosa.
  • Tabhair faoi ndeara an teannas ag imeacht ón dá chos agus iad ag leá síos ar an mata.
  • Anois tóg d’aire isteach sna méara, na hordóga is caol na láimhe. Agus ansin suas i dtreo na huillinneacha is na guaillí.
  • Tabhair faoi ndeara anois an teannas ag imeacht ón dá lámh agus iad ag leá síos ar an mata.
  • Dírigh an fócas sin anois i dtreo do bholg, na heasnacha is an cliabhrach. Bun do dhroim, na slinneáin is an cnámh droma.
  • Lig den teannas imeacht ó do dhroim ar fad is tabhair faoi ndeara an droim ag leá síos ar an mata.
  • Anois do mhuinéal, do scornach, do smig, do bheola, do theanga, do leicne, do chluasa, barr na sróine, do shúile, an áit idir na súile, d’éadan, cúl do chinn is barr do chinn.
  • Anois lig den teannas imeacht ó do chorp ar fad: Ó bhun go baithis.
  • Fan anseo chomh fada agus is atá tú ag iarraidh agus tú ag ligean do scíth is ag ligean den teannas imeacht ó do chorp.

Buntáistí:

  • Suaimhnítear an intinn, córas na néaróg, an corp agus an intinn.
  • Laghdaítear struss agus tuirse intinne agus coirp.
  • Tá sé go maith le haghidh aon ghalair nó gearáin a eacraíonn ó struss.
  • Cuirtear deireadh le teannas agus smaointí suaiteacha.
  • Suaimhnítear na matáin agus laghdaítear éileamh fola agus ocsaigin rud a thugann sos don chóras imshruthaithe agus don chóras análach.
  • Laghdaítear ardbhrú fola.
  • Seachnaítear agus feabhsaítear fadhbanna croí.
  • Cabhraíonn sé go mór le daoine atá ag fulaingt le neamhchodladh.
  • Laghdaítear fearg, míshasacht, frustachas agus spreagtar socracht agus suaimhneas.

Réamh-Aire:

Déan iarracht gan titim i do chodladh toisc go gcuirfear bac ar an laghdú a thaganns ar near-ríoga agus ar obair chóras na néaróg.

 

Comments are closed